Unglingadeildin Björgúlfur er fyrir ungmenni á 15. til 18. aldursár (10.bekkur – 2.ár í framhaldsskóla) sem hafa áhuga á útivist og félagsstarfi. Deildin veitir öruggt og uppbyggilegt umhverfi þar sem ungmennin fá að kynnast starfi björgunarsveitar í samfélaginu og öðlast reynslu og þekkingu sem nýtist í daglegu lífi og til framtíðar.
Starfið í unglingadeildinni er fræðandi og skemmtilegt, lagt er áherslu á bóklega jafnt og verklega þjálfun í fyrstu hjálp, útivist og ferðamennsku, fjallamennsku, leitartækni og margt fleira.
Einnig leggjum við áherslu á samvinnu, sjálfstæði, hópefli, vináttu og bera virðingu fyrir öðrum. Unglingadeildin er einnig öflugt félagsstarf fyrir ungmenni í Hafnarfirði sem hafa áhuga á útivist og fyrir þá sem vilja prófa eitthvað nýtt.
Unglingadeildin er með fundi einu sinni í viku á fimmtudögum, þar sem farið er yfir ýmis efni sem tengist starfi björgunarsveita á skemmtilegan og framandi hátt, farið er í helgarferðir nokkrum sinnum yfir veturinn þar sem að efni vetrarins er kennt með ítarlegum æfingum.
Kynningarfundur Björgúlfs er seinasta fimmtudag í ágúst hver ár. Fyrsti fundurinn er fyrsti fimmtudagurinn í september og það eru opnir fundir allan september. Öll ungmenni fá tækifæri til að geta prófað sig áfram. Að september loknum lokar fyrir skráningu og ekki fleiri ungmenni eru tekin inn fyrr en september ári seinna.
Hægt er að kynna sér reglur unglingadeildarinnar hér.
Yfirumsjónarmenn Unglingadeildar eru;
Höskuldur Dúi Jónasson, tengiliður stjórnar.
Hafdís Fía Rögnvaldsdóttir
Björgvin Freyr Njálsson
Aðstoðarmenn Unglingadeildar eru:
Mikael Thorarensen
Eydís Anna Nielsen
