Dagana 17. til 18. maí skellti unglingadeildin sér í gönguferð þar sem áhersla var lögð á að ferðast með allan farangur sem til þurfti á bakinu ásamt því að gista í tjaldi. Voru það fimm vel útbúnir unglingar sem mættu hress upp á Flatahraun á föstudegi tilbúin fyrir gönguna. Gísli Sigurður skutlaði hópnum upp í Kaldárbotna þar sem gangan hófst. Gengið var kringum Helgafell og niður í Valaból á föstudeginum þar sem tjaldað var tjöldum og farið tímalega í háttinn. Á laugardeginum var vaknað snemma, gengið frá öllu og fengið sér morgunmat eftir vindasama nótt. Síðan var farið að síga í klettunum við Valaból og allir orðnir klárir í siginu eftir að hafa gert þetta nokkrum sinnum í vetur. Eftir sigið var gengið Selvogsgötuna yfir í neyðarskýlið í mótvindi svo það var gott að kíkja inn í neyðarskýlið í nesti þar til hún Vigdís sótti hópinn og fór með hann aftur heim eftir góða göngu 🙂
Uld. Björgúlfur
40 ára unglingastarf í Hafnarfirði
Í dag þann 11. febrúar 2022 fögnum við í Hafnarfirði 40 ára afmæli unglingadeildarinnar Björgúlfs. Til gamans má geta að unglingadeildin Björgúlfur er ein elsta samfleitt starfandi unglingadeild landsins. Unglingadeildin Björgúlfur var sjálfstæð eining undir Read more…