Ásgeir og Píla
Í nógu var að snúast hjá Björgunarsveit Hafnarfjarðar nú um helgina. Nýliðar voru á fyrstuhjálparnámskeiði á Úlfljótsvatni ásamt umsjónarmönnum. Sjóflokkur sveitarinnar var kallaður til aðstoðar við vélarvana bát fyrir utan Hafnarfjörð. Tvívegis var sporhundaflokkur kallaður til leitar að fólki sem ekki hafði skilað sér á tilsettum tíma. Í bæði skiptin kom fólkið fram áður en sporhundurinn kom á staðinn. Einnig var unnið að viðgerð á annari aðalvél B.s. Einars Sigurjónssonar sem bilaði á æfingu fyrir nokkru.
